Ռուսաստանը ողջունում է Հայաստանի և Ադրբեջանի պատրաստակամությունը` ինտենսիվ դարձնել բանակցային գործընթացը. Զախարովա

Ռուսաստանը ողջունում է Հայաստանի և Ադրբեջանի պատրաստակամությունը` ինտենսիվ դարձնել ԼՂ հակամարտության կարգավորմանն ուղղված բանակցային գործընթացը և լրացուցիչ քայլեր ձեռնարկել շփման գծում լարվածությունը թուլացնելու համար: Այդ մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Աջակցում ենք ԵԱՀԿ ՄԽ համանախագահների ջանքերին, ովքեր այժմ մշակում են հարցեր` կապված Հայաստանի և Ադրբեջանի ԱԳՆ ղեկավարների հերթական հանդիպման հետ` կարգավորման էական հարցերը և իրավիճակի կայունացմանն ուղղված հնարավոր քայլերը քննարկելու համար»,- ասել է նա:

Զախարվան նշել է, որ, «ցավոք, իրադրությունը հակամարտություան գոտում շարունակում է բարդ լինել»: «Կոչ ենք անում Բաքվին և Երևանին` կառուցողական մոտեցում դրսևորել չկարգավորված հարցերի լուծումները որոնելու գործում»,- եզրափակել է նա: