Կրեմլը ողջունում է Հայաստանի և Ադրբեջանի որոշումը՝ սկսել խաղաղ բանակցությունների գործընթացը

Կրեմլը ողջունում է Հայաստանի և Ադրբեջանի որոշումը՝ սկսել խաղաղ բանակցությունների գործընթացը։ Այս մասին հինգշաբթի հայտնել է ՌԴ նախագահի մամուլի քարտուղար Դմիտրի Պեսկովը. հայտնում է ՏԱՍՍ-ը։

«Դրական: Հասկանալի է, որ այս գործընթացը շատ երկար է, բայց առաջընթացը նման փաստաթղթի կնքման ուղղությամբ ինքնին դրական փաստ է և ողջունելի»,- ասել է նա՝ պատասխանելով համապատասխան հարցին։

Ավելի վաղ հայտնել ենք, որ Եվրոպական խորհրդի ղեկավար Շառլ Միշելի միջնորդությամբ Բրյուսելում կայացած հանդիպումից հետո ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը հանձնարարել են արտգործնախարարներին՝ սկսել նախապատրաստվել երկու երկրների միջեւ խաղաղ բանակցություններին։