Ցանկացած օրինազանցություն ՀՀԿ-ին անհանգստացնում է. Շարմազանովը` Վերնիսաժի միջադեպի մասին

Այսօր ՀՀԿ ԳՄ նիստից հետո լրագրողները ՀՀԿ խոսնակ Էդուարդ Շարմազանովից հարցրեցին, թե արդյո՞ք ԳՄ նիստում քննարկվել է այսօր Վերնիսաժի մոտ տեղի ունեցած կրակոցների հարցը: Այսօր Վերնիսաժի մոտ անհայտ անձինք կրակահերթ են արձակել, որի հետևանքով մեկ անձ մահացել է, մեկն էլ` վիրավորվել:

Շարմազանովի խոսքով` ցանկացած օրինազանցություն ՀՀԿ-ին անհանգստացնում է, դա մտահոգիչ է, սակայն չեն կարող գնահատական տալ, քանի որ այստեղ անելիք ունի իրավապահ համակարգը:

«Կսպասենք իրավապահ մարմինների քննությանը»,- ասաց նա:Շարմազանովը հավելեց, որ մտահոգված է, մանավանդ որ ինքն էլ ալավերդցի է: Նշենք, որ կրակոցներից վիրավորվածը Ալավերդիի բնակիչ է: