Ճիշտ էր. Արտակ Սարգսյանը՝ ՍԱՍ-ի ձայնագրության գործը կարճելու մասին

Այսօր խորհրդարանում լրագրողները ՀՀԿ խմբակցության պատգամավոր Արտակ Սարգսյանից (ՍԱՍ-ի Արտակ) հետաքրքրվեցին՝ արդյո՞ք ճիշտ էր ՍԱՍ-ի հայտնի ձայնագրության վերաբերյալ հարուցված գործի կարճումը: Նա նախ փորձեց շրջանցել լրագրողներին, չպատասխանել նրանց հարցերին, այնուամենայնիվ, կարճ պատասխանեց. «Ճիշտ էր»:

«Ես չեմ այդպես կարծում, քննչական մարմիններն են կարծում»,-նշեց նա:

Լրագրողների հարցերի մեծ մասին նա չէր պատասխանում, քայլում էր դեպի ԱԺ մուտքը. «Մինչ7 մեքենա կուղեկցեք չէ՞ ինձ»,-ասաց նա:

«Ինչ ասում են, սաղ սուտ ա»,-ասաց Արտակ Սարգսյանը:

Նշենք, որ ընտրությունների նախաշեմին լրատվամիջոցներում հայտնվեց ձայնագրություն` արված ՀՀԿ-ական պատգամավոր Արտակ Սարգսյանին պատկանող ՍԱՍ գրուպում անցկացված ժողովի ժամանակ: Ձայնագրությունից պարզ էր դառնում, որ ընկերության աշխատակիցներին ստիպում են Արտակ Սարգսյանի համար ձայներ հավաքել` սպառնալով, որ հակառակ դեպքում աշխատանքից կհեռացվեն:

Հիշեցնենք, որ օրեր առաջ ՀՔԾ-ն կարճել էր գործը հանցակազմի բացակայության պատճառով: