Միհրան Հարութունյանը սկսում է MMA-ի կարիերան

Հունահռոմեական ոճի ըմբիշ, Եվրոպական խաղերի արծաթե մեդալակիր, 2016 թվականի Ամառային օլիմպիական խաղերի փոխչեմպիոն Միհրան Հարությունյանն այսուհետ հանդես կգա խառը մենամարտերում (MMA): Այս մասին հայտնում է ММА-ի հայտնի մենեջեր Ռիզվան Մոգոմեդովը:

«Շտապում եմ ձեզ հետաքրքիր նորություն հայտնել: Հունահռոմեական ոճի ըմբշամարտի օլիմպիական չեմպիոն Միհրան Հարությունյանը հանդես կգա MMA-ում: Ոչ մի կասկած չունեմ, որ նա մեծ հաջողությունների կհասնի այս մարզաձևում»,- գրել է Մոգոմեդովն «Instagram»-ի իր էջում:

Հավելենք, որ Միհրան Հարությունյանը նշել է, որ ինքը չի հեռանում ըմբշամարտից և մասնակցելու է Տոկիոյի` 2020 թվականի ամառային օլիմպիական խաղերին: