Քաղաքապետի ֆեյսբուքյան "կարիերան" կավարտվի՞

Երեւանի քաղաքապետանը սպառնում է փակել քաղաքապետ Կարեն Կարապետյանի ֆեյսբուքյան էջը, քանի որ կեղծ անուններով անբարեկիրթ հաղորդագրություններ են թողնում:

Այսօր քաղաքապետի մամուլի քարտուղար Շուշան Սարդարյանը վերոհիշյալ էջում գրել է. «Մենք խնդրեցինք էջը չդարձնել անհարկի վիրավորանքների ու անհեթեթ դիսկուսիաների հրապարակ: Ի սկզբանե էջն իր առջեւ ավելի կառուցողական խնդիրներ էր դրել՝ հետադարձ կապ ապահովելու միջոցով ակնկալում ենք բարեկիրթ եւ արդյունավետ երկխոսություն: Կրկնում ենք` անբարեկիրթ, անդեմք և կեղծանուններով հանդես եկող օգտատերերին կոչ ենք անում լինել ավելի զուսպ և հաղորդագրություններ թողնել ըստ էության: Հակառակ դեպքում կքննարկվի էջի հետագա գոյության նպատակահարմարությունը»: