Ջեննարո Գատտուսոն կավարտի պրոֆեսիոնալ ֆուտբոլիստի կարիերան

Շվեյցարական «Սիոն»-ի ֆուտբոլիստ, միևնույն ժամանակ` մարզիչ Ջեննարո Գատտուսոն 2012/13 մրցաշրջանի վերջում կավարտի պրոֆեսիոնալ ֆուտբոլիստի իր կարիերան:

«Հունիսին կավարտեմ կարիերաս` որպես ֆուտբոլիստ: Սա իմ նոր կարիերայի սկիզբն է, և ես ցանկանում եմ կենտրոնանալ միայն մարզչական գործունեությանս վրա: Ինձ համեմատում են Անտոնիո Կանոտեի հետ. դա ինձ համար մեծ պատիվ է: Կցանկանայի նրա նման լինել և հասնել նրա նվաճած բարձունքներին»,- ասել է իտալացի պաշտպանը:

Հիշեցնենք, որ Ջեննարո Գատտուսոն երկար ժամանակ խաղացել է Իտալիայի ազգային հավաքականում և 13 տարի պաշտպանել է իտալական  «Միլան»-ի գույները: 2012-ի ամռանը նա տեղափոխվեց «Սիոն»` որպես խաղացող մարզիչ: