Ինչպես են առևտրականների և բնակիչների աչքի առաջ քանդում «Ֆիրդուսի» շուկան

Այս պահին հատուկ տեխնիկայի գործադրմամբ քանդում են «Ֆիրդուսի» տոնավաճառը: Ինչպես տոնավաճառից հայտնում է Yerkir.am-ի լրագրողը, քաղաքապետարանի աշխատակիցները և ոստիկանները շղթա կազմած շարժվում են առաջ, իսկ հետևից մեքենան փորում է ասֆալտն ու շարժվում առաջ:

Առևտրականները շտապելով փորձում են հավաքել իրենց ապրանքը, ոմանք անգամ լաց են լինում: Մեր հարցին, թե հնարավոր չէ՞ր մի քանի րոպե սպասել, մինչև մարդիկ իրենց ապրանքը հավաքեն, հետո նոր քանդել, քաղաքապետարանի ներկայացուցիչներից մեկը պատասխանեց. «Մի ամիս ա սպասել ենք, հերիք ա»:

Քաղաքացիների դժգոհություններին, թե ինչու՞ են ցերեկով, օրվա ամենամարդաշատ ժամին նման եղանակով քանդում շուկան, քաղաքապետարանի առևտրի բաժնի աշխատակիցը հեգնաքով պատասխանեց. «Կոյուղի ենք քաշում»:

Մանրամասները՝ Yerkir.am-ի տեսանյութում: