Շվեդիայում պատգամավորները Էրդողանի դեմ բողոքի հայց են ներկայացրել՝ ցեղասպանություն իրականացնելու մեղադրանքով

Շվեդիայում մի խումբ պատգամավորներ Թուրքիայի նախագահ Էրդողանի նկատմամբ հետաքննություն սկսելու պահանջ են ներկայացրել Ստոկհոլմի միջազգային դատախազություն:

Ըստ Dmeokrathaber-ի՝ Էրդողանի նկատմամբ հետաքննություն սկսելու վերաբերյալ բողոքի հայտում նա մեղադրվել է «ցեղասպանություն, մարդկային  և պատերազմական հանցագործություններ իրականացնելու» մեջ:

Բացի Էրդողանից, պատգամավորները նաև բողոք են ներկայացրել Թուրքիայի ներկայիս վարչապետ Բինալի Յըլդըրըմի, նախկին վարչապետ Ահմեդ Դավութօղլուի, ՆԳ նախարար Սուլեյման Սոյլույի, նախկին ՆԳ նախարար Էֆքան Ալայի, պաշտպանության նախարար Ֆիքրի Ըշըքի և նախկին ՊՆ Իսմեթ Յըլմասի նկատմամբ՝ իրականացվող հանցագործություններում մեղքի իրենց բաժինն ունենալու համար:

Ներկայացված բողոքի տակ ստորագրել են Աննիկա Լիլմենցը, Վոլթեր Մութթը, Քարլ Շայլերն ու մի շարք այլ պատգամավորներ: