Դավիթ Տոնոյանը հնարավոր համարում է ոստիկանության եւ ԱԻՆ-ի միավորումը

Խորհրդարանում լրագրողների հետ զրույցում ՀՀ ԱԻ նախարար Դավիթ Տոնոյանը, պատասխանելով հարցին՝ հնարավոր համարո՞ւմ է ոստիկանության և արտակարգ իրավիճակների նախարարության միավորումը, ասաց, որ լիովին։ Իսկ դա այս պահին անհրաժե՞շտ է, թե՞ ոչ: Նախարարի խոսքով` անհրաժեշտության մասին կլինի առանձին վերլուծություն։ «Այս պահին նման քննարկումներ չկան։ Կան միջազգային այդպիսի օրինակներ` համատեղ գործելու, բայց ներքին գործերի նախարարությունն այս պարագայում գործում է ոչ խորհրդային տարբերակով, որը միայն լուծում էր ոստիկանական խնդիրներ։ Կա այդպիսի օրինակ: Արդյո՞ք դա կիրառելի է ՀՀ պայմաններում, ես հիմա չեմ կարող ասել»,- ասաց նախարարը։

Հարցին էլ՝ ինչո՞ւ են սուպերնախարարություններ ստեղծվում, նա պատասխանեց. «Սուպերնախարարությունների ստեղծման հարցը դրված չէ այժմ»։

Տոնոյանը նաև նշեց, որ այսօր այդ միավորման անհրաժեշտությունը չի տեսնում։