Վստահ չեմ՝ ֆինանսական առումով հրապարակ-«Զվարթնոց» երթուղին իրեն արդարացնո՞ւմ է. Վահան Մարտիրոսյան

Տրանսպորտի, կապի և ՏՏ նախարար Վահան Մարտիրոսյանն այսօր ԱԺ-ում լրագրողների հետ զրույցում անդրադարձավ Հանրապետության հրապարակից «Զվարթնոց» օդանավակայան ուղիղ երթուղուն: Նրա կարծիքով`  ժողովրդի համար երթուղին իրեն արդարացնում է, իսկ ահա ֆինանսական առումով նախարարը վստահ չէ, որ արդարացվում է:

«Սա պիլոտային ծրագիր է: Առաջին օրը երթուղուց օգտվել է ընդամենը 80 հոգի, երկորդ օրը՝ 150, երրորդ օրը՝ 190, չորրորդ օրը մի քիչ պակասել է` 160-ի մոտ »,- ասաց նախարարը, ապա հավելեց. «Առաջին նպատակը սպասարկման որակ ապահովելն է, հետագայում կերևա, թե ինչքան կարդարացվի: Դրա համար պիլոտային ծրագիրն իրականացնելուց հետո կհայտարարվի մրցույթ, և գնային առումով կարող է փոփոխություն լինել»:

Նա նշեց, որ այժմ երթուղու գինը երեք հարյուր դրամ է, և պարզ չէ, թե հետագայում որքան կկազմի այն: