Թուրքիայի ԱԳՆ-ն դատապարտել է Լոնդոնի ահաբեկչությունը

Թուրքիայի ԱԳ նախարարությունը դատապարտել է երեկ Լոնդոնում տեղի ունեցած ահաբեկչությունը:

Ըստ Demokrathaber-ի՝ Թուրքիան խոր վիշտ է հայտնել միջադեպի կապակցությամբ՝ համերաշխություն հայտնելով Միացյալ Թագավորության ժողովրդին:

«Նման հարձակումների առաջ բազմաթիվ անգամ կանգնած Թուրքիան և Թուրքիայի ժողովուրդը հասկանում և կիսում են Միացյալ Թագավորության ժողովրդի վիշտը: Ինչպես մինչ օրս, այնպես էլ այսուհետ շարունակելու ենք աջակցել ահաբեկչության դեմ պայքարին»,- նշվել է հայտարարության մեջ:

Հիշեցնենք, որ երեկ գիշեր Լոնդոնում ահաբեկչություն է տեղի ունեցել: Միկրոավտոբուսը Լոնդոնի կամրջի մխրճվել է բազմության մեջ, այնուհետև ավտոմեքենայից 3 դանակավոր անձինք են դուրս եկել և հարձակվել մարդկանց վրա: Ահաբեկչության հետևանքով գրանցվել են զոհեր և վիրավորներ: