Ցավալի է՝ ընդդիմադիր պատգամավորների խիղճը նրանց տարել է դեպի Հանրապետական. Փաշինյանը՝ Մելքումյանին

«Ելք» խմբակցության ղեկավար Նիկոլ Փաշինյանը հարց ուղղեց ԱԺ փոխնախագահի թեկնածու Միքայել Մելքումյանին` ինչպե՞ս է ստացվում, որ ընդդիմադիր թեկնածուն ստանում է 12 ձայն, ինչո՞ւ է նրանց ընդդիմադիր խմբակցությունը քվեարկել Հանրապետական կուսակցության թեկնածուի օգտին:

Մելքումյանն արձագանքեց. «Պետք է ասեմ, որ «Ծառուկյան» դաշինքը քննարկել է այս հարցը և թողել ազատ, որ ամեն մարդ իր խղճի մտոք քվեարկի: Սա մեր կուսակցության ներքին խոհանոցն է: Յուրաքանչյուրն ընտրել է իր խղճի մտոք»:

Փաշինյանն էլ ասաց. «Տարօրինակ և ցավալի է, որ ընդդիմադիր պատգամավորների խիղճը նրանց տարել է դեպի Հանրապետական: Չնայած ձեր ընդդիմադիր խմբակցությունը չի քվեարկել մեր ընդդիմադիր թեկնածուի օգտին, բայց մեր խմբակցությունը կքվեարկի ձեր թեկնածուի օգտին՝ անկախ մյուս թեկնածուների հանդեպ ունեցած մեր վերաբերմունքից»: