Վարչապետը՝ նախագահի հետ հարաբերությունների, Կարեն Կարապետյանի՝ ԱԺ նախագահ դառնալու մասին

Հաղթանակի զբոսայգում վարչապետ Կարեն Կարապետյանից լրագրողները հետաքրքրվեցին, թե ի՞նչ է արել կառավարությունն այս ութ ամսվա ընթացքում, ինչին ի պատասխան` վարչապետը մատնացույց արեց տնտեսական աճի ցուցանիշները:

Հարցին, թե, ըստ տարբեր գնահատականների, նախագահ Սարգսյանը պատրաստվում է 2018 թվականին, որ վարչապետ դառնա, արդյո՞ք ինքը նման քայլեր տեսնում է նախագահի կողմից, Կարապետյանը կարճ պատասխանեց՝ ոչ:

«Դուք եւ Սերժ Սարգսյանը նույն թիմի՞ց եք» հարցին էլ կտրուկ արձագանքեց՝ այո:

ՍԱՍ-ի Արտակի շուրջ բարձրացած աղմուկի եւ համացանցում հայտնված սկանդալային ձայնագրության մասին խոսելիս վարչապետն ասաց, որ եթե ճիշտ է, դրան վատ է վերաբերվում:

Հարցին` իսկ ինչպե՞ս է վերաբերվում Սամվել Կարապետյանի եղբոր՝ Կարեն Կարապետյանի` ԱԺ նախագահ դառնալու հավանականությանը, Կարապետյանը ժպիտով արձագանքեց. «Ինչու` ոչ: Կքննարկենք»:

Զրույցի ընթացքում մի կին մոտացավ Կարեն Կարապետյանին, ասաց, որ ուզում է ծանոթանալ, վերջում էլ հայտարարեց. «Էնքան լավ խոսում եք, մնում է, որ գործ էլ անեք»: Կարապետյանը ծիծաղեց: