VLV Electronics-ը Կարապետյան ընտանիքին կենցաղային անհրաժեշտ տեխնիկա կտրամադրի

VLV Electronics ընկերությունը Մեծամոր քաղաքում բնակվող Կարապետյանների ընտանիքում մայիսի 3-ին ծնված երեխաների պատվին իր պատրաստակամությունն է հայտնում Մայր Աթոռ Սուրբ Էջմիածնի տրամադրելիք բնակարանը կենցաղային անհրաժեշտ տեխնիկայով (սառնարան, լվացքի մեքենա, գազօջախ և այլն) ապահովելու հարցում: Այս մասին տեղեկանում ենք ընկերության ֆեյսբուքյան էջից: Կարապետյանների ընտանիքն է ընտրել, թե որ տեխնիկան է անհարաժեշտ իրենց:

Հիշեցնենք, որ ընտանիքը Մեծամորից է, ապրում են վարձակալությամբ: Երեկ հայտնի դարձավ, որ  Կարապետյան ընտանիքին Մայր Աթոռ Սուրբ Էջմիածինը, Գարեգին Բ Ամենայն Հայոց կաթողիկոսի օրհնությամբ, 4 սենյականոց բնակարան կնվիրի: Այսօր էլ պարզ դարձավ, որ առաջին տիկին Ռիտա Սարգսյանը ընտանիքի երեխաների մինչև 1 տարեկանը լրանալն ամբողջությամբ կհոգա նրանց սննդի ապահովման հարցերը: