|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Այսօր կառավարության նիստում ՀՀ վարչապետ Կարեն Կարապետյանը Պետական եկամուտների կոմիտեի նախագահ Վարդան Հարությունյանից հետաքրքրվեց բողոքի ակցիաներ կազմակերպած տոնավաճառների տնտեսվարողների մասին: ՊԵԿ նախագահը նշեց, որ ՊԵԿ-ը իրականացվող ուսումնասիրությունների ընթացքում որևէ տնտեսվարողի չի տուգանել:
«Տոնավաճառներ կազմակերպողները նոյեմբերից պարբերաբար զգուշացվել են, որ պետք է հստակեցնեն փաստաթղթաշրջանառությունը, ՀԴՄ կտրոնների տրամադրումը: Մեր կողմից այս ընթացքում արձանագրվել է, որ արդեն կա դրական միտում, տնտեսվարողները հասկացել են, որ այս ամենը ՓՄՁ-ների դեմ ուղղված չէ, այլ միտված է խոշոր բիզնեսի շրջանառությանը»,- ասաց Հարությունյանը՝ ավելացնելով, որ տնտեսվարողների հետ համատեղ ստեղծվել է աշխատանքային խումբ, մի քանի օրվա ընթացքում բիզնեսի ներկայացուցիչները կներկայացնեն առաջարկություններ:
Կարեն Կարապետյանը հորդորեց աշխատանքները հստակ շարունակել: «Մեր գաղափարախոսությունը հետևյալն է` ՓՄՁ-ների բեռը չպետք է ավելանա: Միաժամանակ ,պետք է փաստաթղթաշրջանառությունը հստակ լինի: Պետք է պարզ խոսենք նրանց հետ»,- ասաց վարչապետը: