ԱԺ փոխնախագահը շնորհակալություն հայտնեց այն պատգամավորներին, ովքեր չեն աշխատելու հաջորդ ԱԺ-ում

Այսօր  ԱԺ նիստը կրկին չի կայացել քվորում չապահովելու պատճառով: Նշենք, որ սա ԱԺ հինգերորդ գումարման վերջին քառօրյա նիստը պետք է լիներ:

ԲՀԿ խմբակցության ղեկավար Նաիրա Զոհրաբյանը տեղից ասաց, որ պարզ երևում է, որ իրենց «հալալ աշխատավարձի» հույսին ապրող պատգամավորներն են եկել նիստի:

ԱԺ փոխնախագահ Էդուարդ Շարմազանովը հայտարարեց. «Քանի որ մեր շարքերը գնալով նոսրանում են, ուզում եմ, օգտվելով առիթից, շնորհակալություն հայտնել մեր համատեղ աշխատանքի համար այն պատգամավորներին, ովքեր, ափսոսանքով պետք է ասեմ, հաջորդ գումարման ԱԺ-ում  չեն աշխատելու: Մի մասն այստեղ է, մի մասը` ոչ, բայց ուզում եմ ծափահարություններով մեր ընկերներին  ողջունել: Այո, եղել են բանավեճեր, սուր քննադատություններ: Ես շնորհակալ եմ ձեզ: Եթե ես էլ` որպես նիստ վարող, մի տեղ էլ չարաշահել եմ, ներողամիտ եղեք: Աստված պահապան ձեզ ու ձեր ընտանքիներին»: