Երբ պարզ կլինի կուսակցությունների մանդատների թիվը

Տեղեկացրել էինք, որ ԿԸՀ նախագահ Տիգրան Մուկուչյանը ներկայացրել է ընտրությունների արդյունքները:

Հարցին, թե որ քաղաքական ուժը քանի մանդատ կստանա իրեն բաժին հասած ձայներով, Մուկուչյանը պատասխանեց, որ ԿԸՀ-ն ամփոփել է ընտրությունների արդյունքը, սակայն դա դեռ վերջնականը չէ: «Մեր ներկայացրած պատկերը նախնական տվյալներ են, որոնք ստացված են էլեկտրոնային եղանակով, այսինքն` տեղամասային ընտրական հանձնաժողովների արձանագրությունները բերվում են տարածքային ընտրական հանձնաժողովներ, մուտք են արվում համակարգիչներ և էլեկտրոնային եղանակով կարդում ենք: Իսկ հետո կստանանք թղթային արձանագրությունները, ուսումնասիրություններ կանենք, և նոր միայն վերջնական արդյունքի ամփոփում կլինի: Իսկ նախնական տվյալներով` մանդատների բաշխում Ընտրական օրենսգիրքը չի նախատեսնում. ամեն ինչն` իր ժամանակին»,- ասաց Մուկուչյանը:

Հարցին, թե, այնուամենայնիվ, մանդատների քանակը ե՞րբ հայտնի կլինի, պատասխանեց` կիրակի օրը: