ՀՐԱՊԱՐԱԿ. Մանդատների գնաճ է լինելու

ՀՀԿ խորհրդի վերջին նիստից հետո, երբ Սերժ Սարգսյանը, խոսելով ՀՀԿ համամասնական ընտրացուցակի մասին, ավելի հստակ է ընդգծել, որ խորհրդարանում չեն լինելու գործարարներ, փոխարենը լինելու են երիտասարդներ եւ թարմ դեմքեր, պատգամավորները խուճապի են մատնվել:

Նույնիսկ Սամվել Ալեքսանյանը, որը վստահ էր, որ առաջադրվելու է եւ կրկին լինելու է խորհրդարանում, սկսել է կասկածել դրան, ուստի աշնանային նստաշրջանում սկսել է ԱԺ գալ եւ անգամ լրագրողներից չի խուսափում:

Մեր աղբյուրները տեղեկացնում են, որ գործարարների նկատմամբ այս վերաբերմունքը կապված է հարցի` միջազգային հնչեղություն ստանալու հետ: Իշխանությունը որոշել է նրանց քանակը հասցնել նվազագույնի: Իսկ կուլիսներում փսփսում են, որ սրա արդյունքում մանդատների գները կտրուկ կբարձրանան: