Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
«Հանրապետականներ» կուսակցությունից Ֆրանսիայի նախագահի թեկնածու Ֆրանսուա Ֆիյոնը հանդես է եկել երկրում իսլամի խիստ հսկողության օգտին:
«Ես անհրաժեշտ եմ համարում, որ Ֆրանսիայում պետությունը խիստ հսկողություն հաստատի մահմեդական կրոնի հանդեպ: Հարկավոր է նաև խստագույնս վերահսկել Ֆրանսիայում գործող իսլամի կենտրոնների ֆինանսավորումն արտերկրից»,-ասել է նախագահության թեկնածուն «RTL» ռադիոկայանի եթերում, գրում է «ՏԱՍՍ»-ը:
Ֆիյոնը հիշեցրել է, որ կրոնի վերահսկումը «ինչ-որ անսովոր բան չէ երկրի համար»:
«Ֆրանսիայում իշխանություններն արդեն միջոցներ ձեռնարկել են ստիպելու համար կաթոլիկներին հարգել ՖՐանսիայի Հանրապետության արժեքները, ինչպես նաև այլ կրոնները: Մասնավորապես, այդ նպատակով 19-րդ դարում Նապոլեոն Բոնապարտը Կոնսիստորիա ստեղծեց Ֆրանսիայում, որը կանոնակարգում է հուդայականությանն առնչվող հարցերը», -հավելել է նա:
Ֆրանսիայի նախագահի ընտրությունների առաջին փուլը կանցկացվի ապրիլի 23-ին, երկրորդը՝ մայիսի 7-ին: