Մորդ կտանես, կհանձնես. Մանվել Գրիգորյանը՝ հող հանձնողներին

Խելքս չի կտրում` ինչից պետք ա նեղանար. այսպես արձագանքեց ԱԺ գեներալ-պատգամավոր Մանվել Գրիգորյանը լրագրողների այն հարցին, թե արդյո՞ք նեղացած է պաշտպանության նախկին նախարար Սեյրան Օհանյանը: Եռաբլուրում լրագրողների հետ զրույցում Մանվել Գրիգորյանը նշեց, որ Սեյրան Օհանյանի պաշտոնանկությունից հետո մեկ-երկու անգամ զրուցել է նրա հետ:

Հարցին, թե մասնակցելո՞ւ է խորհրդարանական ընտրություններին, նա նախ պատասխանեց, որ  «միշտ էլ ցուցակով գնացել է», հետո ինքն իրեն ուղղեց, թե` ինչ որոշում կայացվի: «Աբսալյուտնի իմ հետ քննարկում չի եղել»,- նշեց Գրիգորյանը:

Հարցին` հնարավո՞ր է, որ Սեյրան Օհանյանին միանա, հակադարձեց, որ կարող են իրեն միանալ:

Հողերի հանձնման մասին քննարկումներին ի պատասխան, Գրիգորյանը հայտարարեց. «Ով որ խոսում ա… մորդ կտանես, կհանձես»: