Գյումրիում ներդրումներ պետք է կատարվեն, զբոսաշրջության հոսքն այնտեղ մեծ է լինելու. վարչապետ

Այսօր կառավարության նիստում քաղավիացիայի վարչության պետ Սերգեյ Ավետիսյանը ներկայացրեց որոշման նախագիծ Սինգապուրի և Կանադայի հետ օդային հաղորդակցության վերաբերյալ համաձայնագրերին հավանություն տալու մասին:

Մինչ այդ վարչապետը նշեց, որ երկու օր հետո մեկնելու են Գյումրի, այնտեղ պետք է քննարկվի զբոսաշրջության հետ կապված մեծ ծրագիր:

«Խնդրում եմ նախատեսեք` այցի սկիզբը օդանավակայան: Կառավարիչների կողմից տնօրենին հրավիրում եք, որովհետև, որքան հասկացել եմ, պայմանավորվածություն կա, որ իրենք պետք է կատարեն ներդրումներ, քանի որ Գյումրի զբոսաշրջության հոսքը մեծ է լինելու»,- ասաց վարչապետը` հավելելով, որ հանդիպելու են նաև գյումրեցի գործարարների հետ: