Ընտրություններին ընդառաջ` փորձում է ջերմ հարաբերություններ հաստատել լրատվամիջոցների հետ. Հրապարակ

«Արդարադատության նախկին նախարար Հովհաննես Մանուկյանն անցած կիրակի մեդիայի մի շարք ներկայացուցիչների՝ խմբագիրներ, հաղորդավարներ, լրագրողներ՝ մոտ 40 հոգու, հրավիրել էր «Թբիլիսո» ռեստորան՝ իր ձեռքով պատրաստված խաշ-խորոված փարթիի։ Ռեստորանի տարածքը, ինչպես հայտնի Է, պատկանում է Մանուկյանին։ Միջոցառումից օրեր առաջ Էլ նախկին նախարարի ծնունդն էր, և, ահա, Մանուկյանը երկուսը մեկում Է արել, հետին թվով նշել են նրա տարեդարձը, առաջ նայելով՝ Ամանորը։ Դատելով Ֆեյսբուքում տարածված լուսանկարներից՝ խնջույքը ջերմ մթնոլորտում Է անցել։ Ըստ ամենայնի՝ ընտրություններին ընդառաջ Մանուկյանը ցանկանում Է ջերմ հարաբերություններ հաստատել լրատվամիջոցների հետ, իշխանություններին Էլ հասկացնել, որ կարող ուժ Է։ Ի դեպ, նույն՝ կիրակի օրը, ռեստորաններից մեկում ճաշկերույթի են մասնակցել նաև նախարարությունների մամուլի խոսնակները, լրատվականների աշխատակիցները, կառավարության մամուլի պատասխանատուները»,–գրում է Հրապարակ թերթը։

Մանրամասները՝ թերթի այսօրվա համարում։