Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Տեղեկացրել էինք, որ «Արդարություն Հայաստանում» նախաձեռնության շրջանակներում ապրիլին Հայաստան կգա ամերիկահայ ռոք երաժիշտ և երգահան, աշխարհահռչակ System of a Down խմբի հիմնադիր Սերժ Թանկյանը:
Այսօր հրավիրված մամուլի ասուլիսում Թանկյանը նշեց, որ նախաձեռնությունը հնարավորություն կտա զարգացնելու, ամրապնդելու նաև Հայաստան-Սփյուռք կապը:
«Հայաստան-Սփյուռք համագործակցության լավ գաղափարներ շատ կան, բայց ամենակարևորն այն է, թե ինչպես անենք, որ Սփյուռքի երիտասարդությունն անջատ չզգա իրեն Հայաստանից, և սա Սփյուռքի խնդիրն է: Մյուս կողմից` ՀՀ ղեկավարները, մտավորականները Սփյուռքին մի աչքով պիտի չնայեն, այսինքն` այստեղ եկեք, փող ծախսեք, բայց ներքին հարցերին մի' խառնվեք, ժամանակն է, որ այս մտայնությունը վերանա»,- ասաց Թանկյանը:
Նա նշեց նաև, որ ինքն ամբողջ կյանքում այն, ինչ արել է, պատկերացրել է և ուզում է օգնել, որ ՀՀ քաղաքացին էլ պատկերացնի երկիրն այնպիսին, ինչպիսին կուզենար տեսնել այսօր, ոչ թե 50-100 տարի հետո: