Արցախում ապրող մարդիկ բարի են, մեծահոգի և արժանի խաղաղության եւ բարօրության. Սերժ Թանկյան

Հայազգի ռոք երաժիշտ Սերժ Թանկյանը Facebook-ի իր էջում անդրադարձել է սահմանին իրավիճակի լարվածությանը։ Թանկյանը մասնավորապես գրել է.

«Քանի դեռ Լեռնային Ղարաբաղի հարցում տևական խաղաղության շուրջ համաձայնագիր չկա, Հայաստանն ու Ադրբեջանը ռազմական և ֆինանսական առումով կաշկանդված կլինեն և էլ ավելի կընկղմվեն քաղաքական խորը կոռուպցիոն իրավիճակի մեջ, ինչն այս կամ այն գերտերության շահերին է ծառայում։

Հիմնականում հայ բնակչությամբ Ղարաբաղը, որը հայերենով Արցախ է կոչվում, եղել է անկլավ, որն Ադրբեջանին է տրվել Ստալինի կողմից: Տարիներ առաջ ես Հայաստան կատարած այցի ընթացքում եղել եմ Արցախում: Այնտեղ ապրող մարդիկ բարի են, մեծահոգի, գթացող և արժանի խաղաղության և բարօրության։

Ես կողմ եմ բախումների հարցը միջազգային հետաքննական մեխանիզմներով լուծելու գաղափարին»: