Ինչպե՞ս կարող ես սեփականաշնորհել մի շենք, որը ժողովրդին է պատկանում. Արմեն Սմբատյանը` ԱՕԿՍ-ի շենքի մասին

ԱՕԿՍ-ի շենքը մնալու է որպես հուշարձան, շենքի հետ ոչինչ էլ չենք անելու. Yerkir.am-ի հետ զրույցում ասաց ՌԴ-ում Հայաստանի նախկին դեսպան, նախագահի խորհրդական Արմեն Սմբատյանը:

Դիտարկմանը, որ «Հետք»-ն անդրադարձել էր այն բանին, որ Սմբատյանն ու Հասմիկ Պողոսյանը յուրացրել են ԱՕԿՍ-ի շենքը, Սմբատյանը պատասխանեց, թե իրենք ընդամենը կազմակերպություն են ստեղծել, որի միջոցով կարողացել էլ կրեդիտ վերցնել ու շենքը փրկել:

«Ինչպե՞ս կարող ես սեփականաշնորհել մի շենք, որը ժողովրդին է պատկանում: Ուղղակի կրեդիտ վերցնելու համար կազմակերպություն էր պետք, կազմակերպությունը պետք է դրանով զբաղվեր, մենք էլ կազմակերպություն ստեղծեցինք, որ անհրաժեշտ փողերը գտնենք»,- ասաց նա: 

Ի դեպ, շենքի առաջին հարկում և տանիքում, ինչպես նաև շենքի դիմաց /բացօթյա/ գործում է «Բլեք Բերրի» սրճարանը, որը, yerkir.am-ի տեղեկություններով, պատկանում է Արմեն Սմբատյանի որդուն` Սերգեյ Սմբատյանին: