«Չհավաքած տեղաշորը գնաց». մշակույթի նախարարի փոփոխության մասին

ՀՀ ժողովրդական արտիստ Նիկոլայ Ծատուրյանը նոր մշակույթի նախարարի` Արմեն Ամիրյանի հետ կապված հույսեր ունի: Այսօր նա լրագրողներին ասաց, որ Արմեն Ամիրյանը հաճելի, գեղեցիկ մարդ է, արվեստ կա մեջը: «Նա շատ լուրջ, ճաշակով մարդ է, ինչը շատ կարևոր է: Նոր վարչապետը գոնե հաճելի դեմքերով նախարարներ նշանակեց, թե չէ` էն ի՞նչ էր, նայում էիր դեմքերին ու վախենում: Ինչ վերաբերում է Ամիրյանին, ապա կուզեմ ասել, որ հիմա ուղղակի չպետք է նրան խանգարել»,- նշեց Ծատուրյանը:

Խոսելով այն մասին, որ Հասմիկ Պողոսյանը 10-ամյա պաշտոնավարումից հետո, ի վերջո, լքեց աթոռը, նա հիշեց Վարդան Պետրոսյանի արձագանքը, թե` «լավ է, չհավաքած տեղաշորը գնաց»: