Կարեն Կարապետյանը էներգետիկայի նախարարից «ագրեսիվ հայեցակարգ» է ակնկալում

Այսօր էներգետիկ ենթակառուցվածքների և բնական պաշարների նախարարությունում Կարեն Կարապետյանը ներկայացրեց նոր նախարարին` Աշոտ Մանուկյանին:

«Ես ակնկալում եմ ձեզանից բավականին ագրեսիվ հայեցակարգ ռեգիոնալ համագործակցության ոլորտում: Մենք ապրում ենք բավականին բարդ աշխարհաքաղաքական միջավայրում, միևնույն ժամանակ, ռեգիոնալ համագործակցության ֆանտաստիկ մեծ հնարավորություններ ունենք, ունենք հզորությունների ավելցուկ, որոնք պետք է օգտագործենք: Ակտիվ մասնակցել նոր սակագների մեթոդաբանության ձևավորմանը: Գուցե մենք տնտեսագիտական ինչ-ինչ քայլերի կգնանք, որոնք մարդիկ չեն հասկանա ու չեն ընդունի, բայց մենք խնդիր ունենք` կանգնել սոցիալապես անապահով խավի կողքին, որոշ բիզնես ուղղությունների աջակցել մեր սակագնային քաղաքականությամբ»,- ասաց վարչապետը: