Կհստակեցվեն միջուկային եւ ռադիոակտիվ նյութերի անվտանգ փոխադրման պահանջները

Կառավարության վաղվա նիստի օրակարգում ներառված է որոշման փոփոխություն, որի ընդունումը պայմանավորված է 2012 թվականին  Ատոմային էներգիայի միջազգային գործակալության կողմից ընդունված միջուկային եւ ռադիոակտիվ նյութերի անվտանգ փոխադրման անվտանգության նոր ստանդարտով (SSR-6),  որով ամրագրվել են անվտանգ փոխադրման նոր պահանջներ եւ մոտեցումներ:

2015 թվականի մայիսի 31-ից հունիսի 12-ը Երեւանում տեղի ունեցած ԱԷՄԳ-ի փորձագիտական առաքելության կողմից տրվել են առաջարկություններ,  մասնավորապես՝ ՀՀ կառավարության 2001 թվականի N 1263 որոշումը բերել համապատասխանության ԱԷՄԳ-ի նոր ստանդարտների հետ:         

Հիմք ընդունելով «Խաղաղ նպատակներով  ատոմային էներգիայի անվտանգ օգտագործման մասին» ՀՀ օրենքի 2-րդ հոդվածը, վերոհիշյալ իրավական ակտում կատարվել են համապատասխան փոփոխություններ եւ լրացումներ: Նշված որոշման ընդունմամբ կսահմանվեն միջուկային եւ ռադիոակտիվ   նյութերի անվտանգ փոխադրման ժամանակակից մոտեցումներին համապատասխանող պահանջներ: 

 Որոշման ընդունմամբ կհստակեցվեն միջուկային եւ ռադիոակտիվ նյութերի անվտանգ փոխադրման ապահովման նկատմամբ պահանջները, կնվազեցվի միջուկային ու ռադիոակտիվ նյութերի փոխադրման ժամանակ անձնակազմի ու բնակչության գերճառագայթահարման հավանականությունը: