Փաշինյանը հարգում է Հռոմի պապին, բայց…

Այսօր ԱԺ արտահերթ նիստում, ուր քննարկվում էր ԸՕ փոփոխությունները երկրորդ ընթերցմամբ ընդունելու հարցը, ելույթ ունեցավ ԱԺ ՀԱԿ խմբակցության պատգամավոր Նիկոլ Փաշինյանը: Նա հակադարձեց ԱԺ ՀՀԿ խմբակցության պատգամավոր Մարգարիտ Եսայանին:

Հիշեցնենք, որ երեկ Մարգարիտ Եսայանը, խոսելով ընդդիմադիրների ելույթների մասին, նշել էր, որ բոլորը Հռոմի պապից սովորելու բան ունեն, որ պետք է բարիանան, չար ելույթներ չհնչեցնեն և այլն:

«Հռոմի պապը լավն ա, բան... Ժողովո'ւրդ, նենց եք խոսում, ոնց որ ՀՀ-ն հոգևոր առաջնորդ չունի: Ես շատ եմ հարգում Հռոմի պապին, բայց ուզում եմ, որ մենք հիանանք մեր հոգևոր առաջնորդներով, նրանցից մեջբերումներ անենք: Հենց արտասահմանից մի հյուր է գալիս, բոլորը սկսում են հիանալ նրանով: Ես ուզում եմ, որ մենք հիանանք մեր երկրի նախագահով, վարչապետով, կառավարությամբ, Ազգային ժողովով: Ցավոք, մեր ժողովուրդը զրկված է այդ հաճույքից: Մաղթում եմ, որ մեր ժողվուրդը կարողանա հպարտանալ իր հոգևոր, տնտեսական ու քաղաքական առաջնորդներով: Համոզված եմ, որ այս նպատակներին հասնելու համար, այո, մեզ հարկավոր է մեկ, եզակի, ուժեղ և սկզբունքային ընդդիմություն»,- ասաց Փաշինյանը: