«Քծնող». թուրքահայությունը խիստ վրդովված է Աթեշյանի՝ Էրդողանին ուղղված նամակից

Պոլսահայությունը խիստ վրդովված է Պոլսի հայոց պատրիարքի փոխանորդ Արամ Աթեշյանը սկանդալային նամակից, հատկապես` այն հանգամանքից, որ Աթեշյանն իր նամակը հղել է «Թուրքիայի հայ համայնքի և համայն հայության» անունից:

Թուրքական կայքերում լայնորեն և ճոխ կերպով լուսաբանված` Աթեշյանի նամակի վերաբերյալ լուրերի տակ մեկնաբանություններ արած թուրքահայերի հիմնական մասը Աթեշյանի նամակը «քծնող» է որակել: Նրանք արձանագրել են նաև փաստը, որ Աթեշյանը իրավունք չունի նման հայտարարությամբ հանդես գալու համայն հայության անունից՝ Էրդողանի հակահայ քաղաքականությանը մաս կազմելով:

Մեկնաբանություններ արած թուրքահայերից ոմանք, սակայն, համաձայն են Աթեշյանի արտահայտած մտքի հետ, թե «մի շարք իմպերիալիստական ուժերի կողմից օգտագործվում է հայ ժողովուրդը»: