Քաղաքացի է, ինքն էլ իր տեսակետն է հայտնում. Գալուստ Սահակյանը` Սամվել Բաբայանի մասին

Քաղաքացի է` Հայաստանի կամ Ղարաբաղի,  ինքն էլ իր տեսակետն է հայտնում. այսօր լրագրողների հետ զրույցում ասաց
ԱԺ նախագահ Գալուստ Սահակյանը` անդրադառնալով ԼՂՀ ՊԲ նախկին հրամանատար Սամվել  Բաբայանի կողմից իշխանությունների հասցեին հնչեցված քննադատություններին:

«Այսօր նպատակներն այնպիսին են, որ ամենալավ գործն էլ քննադատվում է: Այնպես որ` ամեն տեսակետներ կշռել, վերլուծել և դրանից ինչ-որ բան գտնել, կարծում եմ, ճիշտ չէ: Եթե ցանկություն  են ունենում մի բան անելու, գնում են մի ճանապարհով, որ  կարողանան կատարել իրենց ցանկությունները»,- ասաց նա:

Անդրադառնալով ՀՀ ՊՆ-ում տեղի ունեցած  ձերբակալություններին` Սահակյանը նշեց. «Չեմ  կարծում, որ ձերբակալություններն օդում են լինում: Պետք է սպասենք, մինչև դատախազությունն իր խոսքն ասի»: