Քանի՞ ձեռքից է վառվել, վառվել ու հուր է դարձել. Գալուստ Սահակյանը` Սամվել Ալեքսանյանի մասին

Yerkir.am-ի զրուցակիցն է ԱԺ ՀՀԿ խմբակցության ղեկավար Գալուստ Սահակյանը:

- Պարո'ն Սահակյան, հասարակությունն անակնկալի եկավ, երբ ԵԿՄ համագումարից հետո պարզվեց, որ ԱԺ ՀՀԿ խմբակցության պատգամավոր Սամվել Ալեքսանյանը կռվել է Արցախյան պատերազմի ժամանակ:

- Ո՞վ է ասել` կռվել է:

-Առաքել Մովսիսյանը:

- Ես նման բան չեմ լսել, բայց որ պատերազմի ժամանակ մեծ ներդրում է ունեցել, դրան տեղյակ եմ:

-Ի՞նչ ներդրում է ունեցել:

- Բա որ էդ զենքը առնում էինք, վառոդը առնում էինք, էդ որտեղի՞ց էր գալիս, կարող է պատահի` պետբյուջեում էնքան փող կա՞ր, որ բյուջեից տայինք:

- Ասում են` Սամվել Ալքեսանյանն այդ ժամանակ շաքարավազով էր զբաղված:

- Դե մարդիկ ուզում են հարստանան, բայց չեն սիրում հարուստներին: Հետաքրքիր հայկական հոգեբանություն է, էլի:

-Վերջը, Մեղրիում Սամվել Ալեքսանյանն ո՞ւմ դեմ է կռվել:

- Ո՞նց թե` ում դեմ է կռվել, կարո՞ղ է պատկերացնում եք, թե մեղրեցիների դեմ է կռվել: Թշնամին ո՞վ է եղել, նրա դեմ էլ կռվել է: Մեկը զենքով է կռվել, մյուսը` գործով, երրորդը իր աշխատանքն է կատարել: Մեկը կրակում էր, մյուսը կրակն էր բերում:

- Հիմա Սամվել Ալեքսանյանը կրա՞կն է բերել:

-Քանի՞ ձեռքից է վառվել, վառվել ու հուր է դարձել...