ՌԴ ԱԳՆ-ն Ղրիմը չի համեմատում Ղարաբաղի հետ

«Ես ուղիղ զուգահեռներ չէի անցկացնի Ղրիմի դեպքերի և Մերձդնեստրում ու  Ղարաբաղում տիրող իրավիճակի միջև»,- ասել է ՌԴ ԱԳՆ ղեկավարի տեղակալ Վասիլի Նեբենզին Интерфакс-ին տված հարցազրույցում՝ պատասխանելով հարցին՝ պե՞տք է, արդյոք, Ղրիմի դեպքերից հետո սպասել նոր զարգացումների ԼՂ-ի և  Մերձդնեստրի հարցերում:

Նրա խոսքերով՝ ԼՂ հիմնախնդրի կարգավորմամբ զբաղվում է ԵԱՀԿ ՄԽ-ն, որի համանախագահներն են Ռուսաստանը, Ֆրանսիան, ԱՄՆ-ը, որոնք ձգտում են աջակցել հայերի և ադրբեջանցիների ուղիղ երկխոսությանը:

«Մերձդնեստրի հարցը կարգավորման իր ֆորմատն ունի՝ «5+2»: Այդ ուղղությամբ աշխատանքները շարունակվում են»,- նշել է Նեբենզին: