Թուրք նախկին նախարարը մահակով ծեծել է անվտանգության աշխատակցի

Թուրքիայում շրջակա միջավայրի և քաղաքաշինության նախկին նախարար Էրդողան Բայրաքթարը ծեծել է անվտանգության աշխատակցի:

Ըստ Demokrathaber-ի` դեպքը տեղի է ունեցել այն ժամանակ, երբ նախկին նախարարի մեքենան մոտեցել է շենքին` անվտանգության աշխատակցից պահանջելով դռները բացել: Աշխատակիցը հրաժարվել է կատարել հրահանգը` մինչև ժամանողների ինքնության մասին չտեղեկանա: Նախարարի վարորդը, այնուհետև նաև նախարարը իջել են մեքենայից և մահակով ծեծել նրան: Նրանք ծեծի ընթացքում պարբերաբար հայհոյել են աշխատակցին: Դեպքի հետագա զարգացումների մասին, սակայն, չի նշվում:

Նշենք, որ Բայրաքթարը կոռուպցիոն սկանդալից հետո պաշտոնից հեռացվել էր: Նա «Արդարություն և զարգացում» կուսակցության պատգամավոր է եղել: