Ադրբեջանը միշտ էլ քողարկում է իր զոհերի թիվը. Դավիթ Բաբայան

Սուրբ Զատիկի նախօրեին ղարաբաղա-ադրբեջանական սահմանին հակառակորդի կողմից ձեռնարկվել են զինադադարի ռեժիմի բազմաթիվ խախտումներ: Այս մասին Yerkir.am-ի հետ զրույցում ասաց ԼՂՀ նախագահի մամուլի քարտուղար Դավիթ Բաբայանը: Նրա խոսքով՝ բոլոր այդ ոտնձգություններին տրվել է համարժեք պատասխան, և հակառակորդը լռել է:

Ինչ վերաբերում է կորուստներին, Դավիթ Բաբայանը նշեց, որ Ադրբեջանը միշտ էլ քողարկում է իր զոհերի թիվը:

«Նրանք իրենց ներսում էլ ունեն խնդիրներ և նրանց բանակի ներսում ոչ կանոնավոր հարաբերությունների պատճառով էլ ունենում են բազմաթիվ կորուստներ, հետևաբար` նրանք թաքցնում ու քողարկում են: Բայց այն, որ մենք պինդ ենք, ամուր կանգնած ենք մեր սահմաններին, սա նույնպես փաստ է»,- ասաց նա՝ հավելելով, որ մեր կողմից կորուստներ չկան: