ՌԴ-ն չի կարող ԼՂ հակամարտությունը լուծել Հայաստանի կամ Ադրբեջանի փոխարեն. Պեսկով

ԼՂ հակամարտության լուծումը կարող են գտնել միայն դրա մասնակիցները, ոչ թե միջազգային միջնորդները: Միևնույն ժամանակ, Ռուսաստանը շարունակում է հետևողական աշխատանք տանել միջազգային ձևաչափերով՝ հակամարտության կարգավորման համար: Այդ մասին այսօր լրագրողներին ասել է ՌԴ նախագահի մամուլի քարտուղար Դմիտրի Պեսկովը. հայտնում է ТАСС-ը:

 «Դա միանգամյա ջանք չէ, այլ հետևողական գիծ: Սակայն որևէ հստակ լուծում, վերջնական նախաձեռնություն կարող է արվել միայն հակամարտության մասնակիցների կողմից: Ո՛չ միջազգային միջնորդները, ո՛չ Ռուսաստանը չեն կարող հակամարտությունը լուծել Հայաստանի կամ Ադրբեջանի փոխարեն»,- նշել է նա: