Թուրք ոստիկանները Կիպրոսում դաժանաբար ծեծել են զբոսաշրջիկի

Թուրքիայի կողմից բռնազավթված Կիպրոսի հյուսիսային տարածքներում ձևավորված Հյուսիսային Կիպրոսի թուրքական հանրապետությունում գտնվող Էրջան օդանավակայանում ոստիկանները դաժանաբար ծեծել են հարբած զբոսաշրջիկի. հաղորդում է hurriyet.com.tr կայքը:

Միայն Թուրքիայի կողմից ճանաչված Հյուսիսային Կիպրոսի փոխվարչապետ և ԱԳՆ ղեկավար Քուդրեթ Օզերսայը նշել է, որ նմանատիպ դեպքերը չպետք է տեղ ունենան ոստիկանությունում, դա վնասում է իրենց երկրի հեղինակությանը:

Տեսանյութում երևում է, թե ինչպես է ոստիկանը զբոսաշրջիկին քարշ տալիս, այնուհետև հարվածներ հասցնում:

Չճանաչված Հյուսիսային Կիպրոսի ոստիկանությունը հայտարարություն է տարածել, որում նշում է, որ ոստիկանը նման քայլի է գնացել, քանի որ զբոսաշրջիկը սկսել էր հայհոյել նրան: