Մարզերում մեկնարկում է Բրիտանական ֆիլմերի 14-րդ փառատոնը

Մարզերում մեկնարկում է Բրիտանական ֆիլմերի 14-րդ փառատոնը, այն այս տարի կրում է «Լավագույնը` Բրիտանիայից» խորագիրը:

Մարտ ամսվա ընթացքում փառատոնային ֆիլմերը կցուցադրվեն Դիլիջանում, Ապարանում և Ալավերդիում: Դիլիջանում ֆիլմերի ցուցադրությունը մեկնարկել է մարտի 2-ին։ Ցուցադրություններ կլինեն նաև մարտի 7-ին և 9-ին: Ապարանում ֆիլմերը կներկայացվեն մարտի 11-ից 13-ը, իսկ Ալավերդիում`մարտի 16-ից 18-ը:

«Փառատոնի հասանելիությունը մարզերում ապահովելը մեզ համար կարևորագույն առաջնահերթություն է: Յուրաքանչյուր տարի մենք ընտրում ենք տարբեր մարզեր` հնարավորություն տալով բոլորին մասնակից դառնալ փառատոնին», - ասաց Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը:

Բոլոր ցուցադրությունների մուտքն ազատ է: 

Բրիտանական ֆիլմերի 14-րդ փառատոնը Երևանում մեկնարկել էր փետրվարի 20-ին, և ցուցադրվել էր յոթ ֆիլմ: