Թուրքիայի տուրիզմը փրկելու համար նոր ծրագրեր ենք մշակել. Դավութօղլու

Թուրքիայի վարչապետ Ահմեդ Դավութօղլուն երկրում զբոսաշրջությունը վերականգնելու նոր ծրագրեր է ներկայացրել:

Ըստ Hurriyet-ի՝ Դավութօղլուն նշել է, որ Ռուսաստանի հետ ճգնաժամից հետո այդ բնագավառը վերականգնելու նպատակով նոր ծրագրեր են մշակել: Ըստ նրա` օտարերկրյա զբոսաշրջիկներ բերելու դեպքում տուրիստական ընկերություններին ամեն մի օդանավի համար կվճարվի 6 հազար ԱՄՆ դոլար, իսկ 400 հազար զբոսաշրջիկ բերող ընկերությանը` 100 միլիոն դոլար վարկ։

Դավութօղլուն հայտնել է նաև, որ հյուրանոցների համար հողի և գույքի հարկերի վճարումները կհետաձգվեն, իսկ պարտքեր ունեցող տուրիստական ընկերությունները հնարավորություն կունենան կրկնակի վարկեր վերցնել: