կարևոր
2947 դիտում, 1 տարի առաջ - 2023-02-23 13:08
Քաղաքական

Շիրակի մարզպետը վստահ է՝ Թուրքիայի հետ սահմանը բացելուց էլ ավելի կզարգանա տուրիզմը

Շիրակի մարզպետը վստահ է՝ Թուրքիայի հետ սահմանը բացելուց էլ ավելի կզարգանա տուրիզմը

Շիրակի մարզպետ Մուշեղ Մուրադյանը դեռ գնահատական չի տալիս՝ կո՞ղմ է հայ-թուրքական սահմանի բացմանը, թե՞ ոչ:

«Երբ բացվեց, բերեք այդ ժամանակ խոսենք: Ես կանխատեսում չանեմ, բայց առանց սահմանի բացման էլ մեր մարզում տուրիզմի զարգացման հետ կապված շատ լավ վիճակ է: Գյումրին ծաղկուն վիճակում է»,- կառավարության նիստից հետո լրագրողներին ասաց նա:

Հարցին` կանխատեսում եք, որ Թուրքիայի հետ սահմանը բացելուց էլ ավելի կզարգանա՞ տուրիզմը՝ արձագանքեց. «Միանշանակ»:

Ճշտող հարցին՝ կո ՞ղմ է սահմանի բացմանը՝ պատասխանեց. «Բերեք ես չասեմ կողմ եմ, թե դեմ, երբ զարգացումներն ընթանան, արդյունքներից պետք է գոհ լինենք, կողմ կամ դեմ լինենք»: