Մարգար Եսայանը շարունակում է Էրդողանի նկատմամբ իր «առաքելությունը»

Թուրքիայում իշխող «Արդարություն և զարգացում» կուսակցությունից` ազգությամբ հայ պատգամավոր, Yeni Safak պարբերականի սյունակագիր Մարգար Եսայանն իր  հոդվածում հերթական անգամ գովաբանել է երկրի նախագահ Էրդողանին:

Նա հոդվածում պնդել է, թե իբր Թուրքիայում լրատվամիջոցներին «փրկողը» նախագահ Ռեջեփ Թայիփ Էրդողանն է եղել։ «Եթե չլիներ նրա խիզախությունն ու պայքարը, լրագրողները ստրկանալու էին Գյուլենի առաջ կամ էլ բանտերում  ու մայթերին պառկած էին լինելու»,- ենթադրել է Մարգար Եսայանը:

Էրդողանապաշտ Եսայանի այս հոդվածը մեծ արձագանք է գտել համացանցում: Անգամ թուրքերն են ծիծաղելի համարել Եսայանի այդ հայտարարությունները, մանավանդ` երբ երկրում մեծ թվով լրագրողներ են ձերբակալված: