Մարգար Օհանյանի եղբորը տարան Մեծամոր

Պաշտոնանկությունները եւ նոր նշանակումները ոստիկանությունում երեկվանից շարունակվում են:

Նորանշանակ ոստիկանապետ Վլադիմիր Գասպարյանը կազմակերպված հանցավորության դեմ պայքարի գլխավոր վարչության պետի տեղակալ Սիսակ Ավետիսյանին ազատել է զբաղեցրած պաշտոնից` գրանցելով ՀՀ ոստիկանության կադրերի ռեզերվում:

Պաշտոնից ազատվել եւ ոստիկանության կադրերի ռեզերվում է գրանցվել նաեւ ոստիկանության Արմավիրի մարզային վարչության Մեծամորի բաժնի պետ Մարատ Պողոսյանը:

Ոստիկանության Երեւան քաղաքի վարչության Նոր Նորքի բաժնի պետ Մուշեղ Օհանյանը ազատվել է զբաղեցրած պաշտոնից` նշանակվելով Արմավիրի մարզային վարչության Մեծամորի բաժնի պետ: Նշենք, որ Մուշեղ Օհանյանը Ճանապարհային ոստիկանության նախկին պետ Մարգար Օհանյանի եղբայրն է: