Ձերբակալել են Մարգար Օհանյանին

ՀՀ հատուկ քննչական ծառայության վարույթում քննվող քրեական գործով` պաշտոնեական դիրքը չարաշահելու և գույքի առանձնապես խոշոր չափերով հափշտակություն կատարելու կասկածանքով (ՀՀ քր. օր-ի 308-րդ հոդվածի 2-րդ մաս և 179-րդ հոդվածի 3-րդ մասի 1-ին կետ) այսօր ձերբակալվել է ՀՀ ոստիկանության Ճանապարհային ոստիկանության ծառայության պետ, ոստիկանության գնդապետ Մարգար Օհանյանը. հայտնում է Հատուկ քննչական ծառայությունը։

Գործի նախաքննությունը շարունակվում է:

Հիշեցնենք, որ օգոստոսի 26-ին նույն քրեական գործի շրջանակներում ձերբակալվել է Ճանապարհային ոստիկանության 2-րդ սպայական գումարտակի հրամանատար, գնդապետ Ստեփան Կարախանյանը` պաշտոնեական լիազորությունների չարաշահման, առանձնապես խոշոր չափերի հասնող յուրացումների համար: Ասվում է, որ նա յուրացրել է մարզերում ոստիկանության աշխատանքի կազմակերպման համար նախատեսված բենզինի մոտ 60 տոկոսը: