Կկարգավորվի Ադրբեջանից բռնագաղթած անձանց աշխատանքային ստաժ սահմանելու հարցը

Կառավարության վաղվա նիստի օրակարգում է ընդգրկված որոշում, ըստ որի փոփոխություն է կատարվելու «1988-1992 թթ  Ադրբեջանից   բռնագաղթված անձանց և 1992 թվականին ՀՀ Արծվաշեն գյուղից բռնի տեղահանված անձանց աշխատանքային ստաժ սահմանող հանձնաժողով ստեղծելու և հանձնաժողովի աշխատակարգը հաստատելու մասին» որոշման մեջ: Խնդիրն այն է, որ Ադրբեջանից  բռնագաղթած փախստականների մեծ մասը չունեն  աշխատանքային գրքույկներ, անգամ անձնագրեր և անձը հաստատող  այլ փաստաթղթեր, ինչը խնդիրներ էր առաջացնում կենսաթոշակ նշանակելու ժամանակ նրանց աշխատանքային ստաժը սահմանելու հարցում: Որոշման ընդունմամբ կկարգավորվի Ադրբեջանից բռնագաղթված փախստականների մեծ մասի համար կենսաթոշակ նշանակելու ժամանակ նրանց աշխատանքային ստաժը սահմանելու հարցը: