ՏԵՍԱՆՅՈՒԹ․ Ադրբեջանից բռնագաղթած 185 ընտանիք կապահովվի բնակարանով․ Պապիկյան

Մեկնարկում է Ադրբեջանից բռնագաղթած անձանց բնակապահովման ծրագրի երկրորդ փուլը՝ բնակարանների գնման վկայագրեր տրամադրելու միջոցով՝ ըստ Yerkir.am-ի ասաց  Տարածքային կառավարման եւ ենթակառուցվածքների նախարար Սուրեն Պապիկյանը կառավարության նիստում։ Կառավարությունը հաստատեց որոշումը:

Պապիկյանը նշեց, որ նախատեսվում է 2 մլրդ 169 մլն դրամ ուղղել Երեւանի Կենտրոն, Էրեբունի, Նոր Նորք, Արաբկիր, Դավիթաշեն վարչական շրջաններում ժամանակավոր կացարաններում բնակվող ընտանիքներին բնակարանով ապահովելու հարցի լուծմանը:

2019-ին՝ առաջին փուլում, 1,5 մլրդ դրամ հատկացվել է 112 ընտանիքի բնակարանային հարցը լուծելու համար, իսկ այս փուլում խոսքը 185 ընտանիքների մասին է՝ վստահեցրեց Պապիկյանը:

Վարչապետի հարցին՝ որքան գումար են տալիս ամեն ընտանիքի, Պապիկյանը պատասխանեց՝   դա կախված է ընտանիքի մեծությունից եւ այլ չափանիշներից, բայց, ամեն դեպքում, դա բավարար է Երևանի տարբեր հատվածներում բնակարան գնելու համար:

«Իհարկե, կենտրոնում չեն գնի, բայց այլ վարչական շրջաններում կկարողանան գնել»,-հավելեց վարչապետը:

Ի դեպ,  նախկինում Երեւան քաղաքի համար նման որոշում չի եղել, այս մարդիկ 1988-ից կամ 1990-ից բնակվում են ժամանակավոր կացարաններում:

Մանրամասն՝ տեսանյությում․