Լևոն Հայրապետյանի գործով դատաքննության օրը հետաձգվել է

Մոսկվայի Զամոսկվորեցկի դատարանը հետաձգել է գործարար Լևոն Հայրապետյանի դեմ քրեական գործի քննությունը: Նա մեղադրվում է Բաշկիրիայի նախկին սենատոր Իգոր Իզմեստևի մորից 700 հազար դոլար հափշտակելու մեջ. հայտնում է РИА Новости-ն:

Դատական նիստը կկայանա հունվարի 18-ին: Հայրապետյանի նախկին փաստաբանը հիվանդանոցում է, իսկ նոր պաշտպանին ժամանակ է անհրաժեշտ` գործին ծանոթանալու համար:

Խոսքը Բաշկիրիայի նախկին սենատոր Իգոր Իզմեստևի մոր 700 հազար դոլարի յուրացման մասին է, որում մեղադրվում է Հայրապետյանը: 

Գործարարը նաև մեղադրվում է 2009-ին «Սիստեմա» ընկերությանը «Բաշնեֆտ» ընկերությունը վաճառելու գործարքում ներգրավված լինելու մեջ։ 

Նշենք, որ դատական գործընթացի արդյունքում «Բաշնեֆտ»-ն արդեն վերադարձվել է պետությանը: