Պահանջում են թանկարժեք նվերները հանձնել պետական գանձարան

ՀՀ ֆինանսների նախարարության ենթակայությամբ գործող «Թանկարժեք մետաղների և թանկարժեք քարերի պետական գանձարան» գործակալությանը դիմել էր պետական մարմիններին` պաշտոնի բերումով ստացված թանկարժեք նվերները հանձնել գանձարան: 

ՀՀ կրթության եւ գիտության նախարարությունն իր ենթակայությամբ գործող հաստատությունների ղեկավարներին գրություն է ուղարկել` պահանջելով կատարել գործակալության հորդորը:

ՀՀ կառավարության 1993 թվականի փետրվարի 17-ի թիվ 48 որոշման համաձայն` բոլոր պաշտոնատար անձինք պարտավոր են պաշտոնի բերումով ստացած այն նվերները, որոնց արժեքը գերազանցում է իրենց 5 ամսվա աշխատավարձը հանձնել պետական գանձարան: Ի դեպ, ՀՀ ԿԳՆ-ն արդեն իսկ համապատասխան գրությամբ դիմել է իր ենթակայության տակ գտնվող հաստատություններին:

Թե ո՞րն է նման գրություն ուղարկելու իմաստը, եւ արդյո՞ք եղել են մարդիկ, ովքեր արձագանքել են գրությանը և իրենց ստացած թանկարժեք նվերները վերադարձրել գանձարան, կներկայացնենք ավելի ուշ: