Գրող թող ուտեն, կոկորդիլոս, չէ մի չէ... Սեյրան Սարոյան

Այսօր լրագրողները զրուցել են ԱԺ ՀՀԿ խմբակցության պատգամավոր, գեներալ Սեյրան Սարոյանի հետ:

-Պարո\'ն Սարոյան, ունե՞ք ամանորյա սեղանի նախընտրած ուտեստ:

- Ուֆ, լավ էլի, ձեր ուշք ու միտքն էլ ուտելն ա: Տուն ա էլի, սաղի տներն էլ նույն բանն ա, մանդարին կա, խնձոր, տանձ կա, մի բան կուտենք էլի: Տուն ա էլի, տոլմա-մոլմա կըլնի, էլի:

- Արդյո՞ք հայն այսօր ուրախ է անցկացնում Նոր տարին:

- Մեր ազգը ամբողջ մի տարի չարչարվում ա, որ էդ մի օրը ուրախանա մի քիչ:

- Նախկինում ավելի ուրախ չէ՞ր անցնում, քան հիմա:

- Տո չէ հա, սովետի վախտ լիմոնադը Նոր տարուց Նոր տարի էինք խմում կամ էլ հարսանիքներին:

- Դե հիմա կոկորդիլոս էլ են ուտում:

- Տո լավ,  գրող թող ուտեն: Կոկորդիլոս, չէ մի չէ, շուն են ուտում:

- Պարո\'ն Սարոյան, որտե՞ղ եք նշելու Նոր տարին, գուցե Ծաղկաձորո՞ւմ:

- Մենք մեր տներն ենք մնալու, Նոր տարին մեր տանն ենք անելու, մենք նաֆարով էնքան շատ ենք, էդքանին չեմ կարա ռեստորան տանեմ: Ծաղկաձոր, չէ մի չէ:

- Կենաց սիրող սեղանակի՞ց եք, թե՞..

- Ուֆ, զահլա չկա, մուզիկա էլնի պարենք, երգենք:

-Ո՞ր երգերն եք երգում սեղանի շուրջ:

- Սաղ, հայրենասիրական ինչ երգ գիտես:

- Լավ ձայն ունե՞ք:

-Խի՞ չունեմ, մշեցի մարդ եմ, ո՞նց կարամ չերգեմ:

- Ի՞նչ եք ցանկանում, որ կատարվի Նոր տարում:

- Պապայի արև, խաղաղություն, մենակ խաղաղություն, որ մեր զինվորի մատը փուշ չմտնի, մեր զինվորները բարով-խերով գան, հասնեն իրանց ընտանիքներին, մնացածը սաղ լավ կլնի: Այ մարդ, թթվով, կարտոշկով կապրենք, փառք Տիրոջը, մենակ պատերազմ չլինի: Աստված ենք կանչում, մոմ վառում, որ պատերազմ չլինի: