Կոռուպցիայի դեմ պայքարի տեսանկյունից ի՞նչ դիրքերում է Հայաստանը

Այսօր Կոռուպցիայի դեմ պայքարի միջազգային օրն է: «Թրանսփարենսի Ինթերնեյշնլ» հակակոռուպցիոն կենտրոնը հունվարին կհրապարակի Հայաստանում կոռուպցիայի` 2015 թվականի ցուցանիշը:

«Հայաստանում, նախորդ տարիների համեմատ, կոռուպցիոբն երևույթները որոշակիորեն նվազել են: Սակայն վիճակը բարվոք չէ: Համաշխարհային բանկի հրապարակած տվյալներով` Հայստանում չնչին դրական տեղաշարժ նկատվել է»,- «Մեդիա կենտրոն»-ում քննարկման ժամանակ հայտարարեց «Թրանսփարենսի Ինթերնեյշնլ» հակակոռուպցիոն կենտրոնի գործադիր տնօրեն Վարուժան Հոկտանյանը` նշելով, որ համաշխարհային դասակարգման աղյուսակում, կոռուպցիայի տեսանկյունից, մեր երկիրը միջին դիրքերում է:

«Կարող ենք ինչ-որ տեղ գոհ լինել, որ վատագույնների մեջ չենք, բայց խորհուրդ կտայի նայել այն երկրների ցուցանիշներին, որոնց առաջնթաց ունեն այդ ոլորտում»,- ասաց նա:

Արդարադատության փոխնախարար Սուրեն Քրմոյանն էլ նշեց, որ 2015-ը կոռուպցիայի դեմ պայքարի համար շատ կարևոր տարի էր, կան որոշակի դրական ցուցանիշներ, որոնք, սակայն, գոհացուցիչ չեն: Նրա խոսքով՝ այս գործում կարևոր նշանակություն ունի Կոռուպցիայի դեմ պայքարի խորհրդի ստեղծումը: Քրմոյանը հայտնեց, որ խորհրդի հերթական նիստը տեղի կունենա դեկտեմբերի վերջին: